Aappassiariilluarneq

Inuusuttup aappassiani anniartitsisartoq aappariinnarniaruniuk, imminut sumiginnassaaq. Inuusuttup arlaatigut ikiortissarsiornissani qineruniuk tamanna pineqartup nakuussuteqarneranik akisussaassuseqarneranillu ersiutaasussaasoq.

Aappassiariilluarneq
Sangianneq, nakkutilliiniarneq killissanillu ilisimaarinninnginneq aappassiariinnermi ajornartorsiutaasinnaasarput. Sulisutut inuusuttut siunnersorsinnaavatit ajornartorsiutaasartut pillugit isummersornissaanut tamakku oqaluuserinerisigut. 

Pissusissamisoortuusinnaavoq inuusuttunik oqaloqatigiinnissutigissallugu aappassiaqarnermut pitsaasumut qanoq takorluuinninnersut. Inuusuttup oqaasertaliisinnaanissaa anguniaruk qanoq aappariinnermi pissusilersortoqartarnissaa takorloorsimaneraat.

Assersuutigalugu inuusuttoq aperisinnaavat:

  • Qanoq sangianneq paasineqarsinnaava?
  • Qanoq aappassiarisaq sangiattarsimappat killissarititat inissinniarneqarunik pitsaanerua?
  • Qanoq annertutigisumik aappassiarisami kissaatigisai malitsigissavai, tamatumani namminerisamik soqutigisatigut sammisartakkani, ikinngutini ilaqutattanilu takussaarpiassagunigit?
  • Aapparisami atoqatigiinnissamut piumasaqaatai malillugit inooqataassava?
  • Inuusuttup nammineq timini eqqarsaatigalugu killissarititai sumut killeqassappat? 
  • Qanoq ajunngitsumik assortuuttoqarlunilu oqallittoqarsinnaava?
  • Qanoq ikinngutit siunnersorsinnaassagaluarpiuk aamma taamatut inissisimasimagaluarpata?

Naleqartitat oqaluuserisigit
Siunnersortitut inuusuttut oqaloqatigisinnaavatit suut inuunerminni pingaartinneraat. Assersuutigalugu inuusuttup inoqatinik attuisarneq akueriinnartoorsinnaavaa, ilisimaguniuk aapparisani peroriartornermini sumiginnagaallunilu ajornartorsiuteqartarsimasoq. Inuusuttummi aapparisani sumiginnartutut misigisimasinnaavaa arlaatigut ajornartorsiuteqarsimappat. Tassami naleqartitanut naapertuuppoq sumiginnaanngikkaani. Tamatumuuna inuusuttumik oqaloqateqarnermi tikkuarneqarsinnaavoq inunnik allanik ajunngitsunik pinninnissaq aamma imminut attuumassuteqarmat – imminut paarilluarnissaq pingaaruteqarmat.