Asasariinni persuttaasarnerup ersiutai

"Asaqatigiinni persuttaasarneq sinnganermit, tatiginninnginnermit, ningarnermit/sangiannermit, aallaaveqarajuttarpoq. Aapparinneq pinngitsaaliininngortarpoq nakkutilliininngortarlunilu, taakkulu timikkut tarnikkullu persuttaaninngorsinnaapput."

- Oqalliffimmi kalaalit inuusuttut persuttaasarneq pillugu oqaluttuaat

Asasariinni persuttaasarnerup ersiutai
Navianartorsiornermik kalerriutit ilaqartarput inuusuttup asasariinni persuttarneqarsimaneranik tikkuusisinnaasunik. Tulliuttuni navianartorsiornermut kalerriutit atuarsinnaavatit, ilisimasalittut arajutsinaveersaagassatit inuusuttunik attaveqarninni.

Ajornakusoornarpoq paatsoorneqarsinnaanngitsunik allattuiffissiornissaq, takussutissaqartarporli utikajaartuusunik:

Persuttaasimasoq sangiannermik/ningarnermik, tatiginninnginnermik upperinninnginnermillu ilisarnaateqarajuttarpoq.Aaamma kissaatigisarpaa asasami ikinngutinit ilaqquttanillu avissaartisimanissaa. Tamanna pisarpoq assersuutigalugu nakkutilliinikkut, oqarasuaat arajutsinaveersaarinikkut aamma qarasaasiatigut inooqatigiinnermut tunngasunik atuineq nakkutilliinikut, imaluunniit aalajangerusuttarlugu inuusuttup kikkut ilagissanerai qanoq akulikitsigisumik il.il.. Inuusuttoq tarnikkut persuttarneqartarpoq timikkut persuttaanermik inerneqarsinnaasumik.

Sangianneq/ningarneq aamma nakkutiginninneq
Sangianneq/ningarneq aporaatitsilerajuttarpoq, misigissutsinik aallassatsisarpoq aamma asasariinni ajornartorsiorfiusuni mattussisarpoq. Imminnut sangiannerusinnaavoq/ningarnerusinnaavoq aapparisalluunniit ningarnerusinnaavaa/sangiannerusinnaavaa. Sangianneq/ningarneq pilersinnaavoq timikkut tarnikkulluunniit persuttaasoqaraluaraangat.