Ilaquttat attaveqaatillu

Ilaquttat attaveqaatillu
Pissusissamisoorsinnaavoq inuusuttoq aperissallugu qanoq angajoqqaaminut attaveqartarnera innersoq. Tassuuna aamma paasisinnaassagakku kikkunnik ikiortissinnaanersoq.

Aappassiaqarnermi angajoqqaanit qimagunniarnermut ilaasimasinnaavoq. Taamaattumik angajoqqaanut attaveqarneq inuusuttup aappassiaminit qimagunniarfiusinnaavoq ikiorfissarsiorfiusinnaallunilu  aporfiusinnaasoq.

Ilaquttat tapersersuinerat pingaaruteqarpoq
Sullissisutut pingaaruteqarpoq eqqaamassallugu qanigisanut attaveqarniarneq inuusuttumut pitsaanngitsuusinnaammat. Ilaquttat ikinngutillu inuusuttoq tapersersornagu avoqqaariniaannarpassuk, taava akerlianik inuusuttoq aappassiaminut anniartitsisartumut attuumanera annerulersiinnarneqarsinnaavoq. Tamanna imatut kinguneqaannarsinnaavoq inuusuttup aappassiarisani qimassinnaanngikkaa.

Isumalluutit eqqartorsigit
Inuusuttup siooragisinnaavaa angajoqqaarisami piumasaqaatai naamassisinnaannginnamigit taakkununnga ersissuteqartoq, pakatsisikkusunnginnamigimmi. Pingaaruteqarpoq angajoqqaat meeqqaminnut imatut kiinnertarnissaat kukkuneq inerteqqutaanngimmat aammalu tamatta inuunitsinni toqqaanerlussinnaasaratta. Tamatumuuna inuusuttumut oqinnerulissaaq ajornartorsiuteqarnerminni angajoqqaaminnik oqaloqatiginnissinnaanissaat.

Taamaattumik pingaaruteqarpoq sullissitut angajoqaat sumi inissisimanersut paasiniassallugu. Inuusuttup qularnaatsumik ilisimanerpaa angajoqqaat paasinninnavianngitsut, imaluunniit tamanna nammineq eqqoriaannarsimanerpaa?