Kingunerisat

Kingunerisartakkat
Aappariinni persuttaasarneq sivisuumik annertuumillu kinguneqarsinnaasarput, aamma inuusuttoq timikkut tarnikkullu assigiinngitsunik ikilerneqaratarsinnaavoq.

Taamaattumik pingaartuuvoq iliuuseqarnissat pasitsaasaqaruit inuusuttoq aappariinni persuttarneqartartoq. Apeqqutitit inuusuttut ajornartorsiutigisaannik takussutissiueqataasinnaapput.

Inuusuttumut kingunerisat ilaatigut makkuusinnaapput: 

  • Toqqissisimannginneq
  • Sinnarlunneq
  • Ataasiinnarmik ukkassisinnaannginneq
  • Nukissaaleqineq
  • Isummap nikerarnerujussua
  • Mattusimaneq
  • Kingunerluutaasumik ernumangaarneq
  • Piviusuunngitsunik piviusuusaartitsineq
  • Ersineq
  • Nikallunganeq
  • Inunnut allanut imminullu tatiginninnginneq
  • Atoqateqarnermi ajornartorsiuteqarneq

Pissuseqarneq aamma kanngusunneq
Inuusuttut persuttagaasimasut kanngusunnerujussuaq misigisinnaavaat, aamma upperilarsarpaat persuttaanerup peqqutigisaanik kinaassutsimik isasoorneranut pissutaasoq. Inuusuttut isumaqalersarput persuttagaasimasut inuusut ”pilliutit” aamma ”sanngiitsut”, kingunerisinnaavaallu persuttaasimaneq isertugaatileraat sanngiitsutut isigineqalerumanatik. Taamaattumik pingaaruteqarpoq, inuusuttut periarfissinneqarnissaat persuttaasarneq pillugu ammasumik oqaluuserinninnissamut.

Angajoqqaat akerleriissutaasut
Persuttarneqarsimasunik sanngiitsutut isiginninneq angajoqqaanit aallaaveqarsinnaavoq, taamaattoqarpallu inuusuttup ajorsarnertut paasisinnaavaa imaluunniit angajoqqaaliarnissaq kanngunartutut isigisinnaavaat. Pisuni allani asaqatigiinneq angajoqqaanit avissaarnertut akerleriissuteqarnertulluunniit ersiutaasinnaavoq, angajoqqaat asasamut isornartorsiunerattut aappariinnermullu isornartorsiuinerattut paasineqarsinnaavoq. Aamma tassani inuusuttoq kanngusunnermik nikanarsagaanermillu misigisaqarsinnaavoq angajoqqaaminukaruni taamaaliornikkullu isornartorsiuinerannik eqqortuunerarlugit.