Meeqqanut inissinneqarsimasunut persuttaasarneq

Meeqqanut inissinneqarsimasunut persuttaasarneq
Persuttaasarneq pilersinnaavoq meeqqat ulloq unnuarlu angerlarsimaffimiittut najugaqarfinniittullu akornanni, taamaalisoqarnerani sulisut akuleruffigisinnaanngilaat, peqqutigalugu persuttaasoqarnerani najuutinnginnertik.

Meeqqat ilaqutariinni persuttaaffiusartuni alliartorsimagunik, namminneq ilinniartarpaat persuttaasarnissaq. Qulakkeerneqarsinnaanngilaq meeqqat ulloq unnuarlu angerlarsimaffimiittut ineqarfimmiittullu akornanni persuttaasoqalertarnera sulisunit paasineqangitsoortunik, meeqqat namminneq tamanna pillugu oqaluttuanngippata. Qinngasaarinerusinnaavoq, timikkut persuttaanerusinnaavoq imaluunniit kinguaassiutitigut atornerluinerusinnaavoq. Ajornartorsiutaasaqaaq eqqarsaatigigaanni meeqqat angerlarsimaffiup avataani inissinneqartarnerat persuttaanermut innarliinermullu illersorniarlugit.

Ulloq unnuarlu angerlasimaffinni najugaqarfinnilu nalinginnaasumik meeqqat inummut attaveqarfeqartarput, isertukkaminnik oqaluttuarfigisinnaasaminnik. Ajoraluartumik persuttaanermut innarliisarnermullu pitsaaliuineq artornartunik atugassaqartitaasinnaapput. Sulisut piffissani nikerartuni sulisarput, taamaattumillu meeqqanit anngiiarnissamik pisariaqartitsisunut tamatigut pissarsiarineqarsinnaassanngillat.

Toqqaannartumik paaqqinninnissamik sumiginnaanerusinnaavoq meeqqat attaveqarfissaarutitinneqarpata. Meeraq ajornartorsiuleruni imaluunniit persuttarneqarsimaguni utaqqinissaq ajornakusoornassaaq inersimasumut anngiiarsinnaanissamut. Meeqqat tamarmiunngitsut inersimasumut kimulluunniit anngiiarnissartik - isertukkaminnik oqaluttuarnissartik -  sapertarpaat.