Dannerip periutsinut atuagaataa

Arnanut meeqqanullu nakuuserfigineqarsimasunut siunnersuinermi aamma qimarnguinni sulinermi periutsit

Periutsinut atuagaq immikkoortunut marlunnut avitaavoq, aamma naallugu atuarneqarsinnaavoq aammali ujaasiffigalugu atugassarsiorfigineqarsinnaavoq.  Atuakkap immikkoortua siulleq sinaakkutissanik pingaarnernik aamma Dannerip arnanik meeqqanillu nakuuserfigineqarsimasunik suliaqarnerminut pullavigisartagaanik allaaserinnippoq.  Tamatuma kingorna atuakkap immikkoortuata aappaa tulliuppoq, taanna Dannerip qimarnguimmiinnissaq sioqqullugu, qimarnguinniinnerup nalaani aamma kingorna arnanik meeqqanillu nakuuserfigineqarsimasunik suliaqarnerminut atortagaanik allaaserinnippoq.

Periutsinut atuakkap immikkoortuata siulliup ilaatigut nakuusernerup iluserisinnaasai tallimat ersersinniarpai, taakkulu tassaapput , Timikkut nakuuserfigineqarneq, Tarnikkut nakuuserfigineqarneq, Kinguaassiutitigut atornerlugaaneq,  Atortunik sequtserineq aamma Aningaasatigut nakuuserfigineqarneq.

“Nakuuserneq tassaavoq iliuuseqarneq sunaluunniit inummut allamut sammitinneqartoq – iliuuseq ajoqusiisoq, anniartitsisoq, ersiortitsisoq imaluunniit kanngunarsaasoq aamma inummik piumassuserinngisamik iliuuseqartitsisoq imaluunniit inuup iliuusererusutaanik unitsitsisoq”

Atuakkap immikkoortuata aappaani qimarnguimmiinnissaq sioqqullugu, qimarnguinniinnerup nalaani aamma kingorna periutsit immikkut ittumik neqeroorutigineqartunut attuumassutillit qitiutinneqarput.   Tamatuma saniatigut atuakkap immikkoortuata aappaani aamma allaaserineqarpoq, arnanut nakuuserfigineqarsimasunut suna immikkut ilisarnaataasarnersoq.  Assersuutigalugu sillimaannaavilluni inissisimasinnaavoq, ilimasupiluinnaavissinnaavoq, puffassimaarsinnaavoq aamma sininnissaminik ajornartorsiuteqarsinnaavoq.    Aammattaaq nakuusernertalimmik inuuneq anaanaasup aamma meeqqap akornanni ataqatigiinnermik sunniisinnaavoq.

Atuagaq najoqqutassiaq Dannerip arnanut meeqqanullu susassaqarfiup iluani misilittagai aamma ilisimasai toqqammavigalugit suliarineqarpoq, aamma qimarnguinni allanilu oqartussaqarfinni arnanik meeqqanillu nakuuserfigineqarsimasunik suliaqarfiusuni ataatsimut attaveqarnikkut tunngaviusinnaavoq.  Atuagaq najoqqutassiaq Kattunnermi ilinniartitsinermut atatillugu ilinniagassatut atorneqarpoq tassungalu atatillugu kalaallisuunngortinneqarluni.

PDF icon Dannerip periutsinut atuagaataa

*Danner tassaavoq suliniaqatigiiffik namminersortoq arnat meeqqallu nakuuserfigineqarsimasut illersorniarlugit ikiorniarlugillu sulisoq. Arnat Dannerip qimarnguiani najugallit aamma arnat meeqqallu 33.000-t Danmarkimi ukiut tamaasa nakuuserfigineqarsimasut.
Danner aamma nunani tamalaani sulisarpoq arnanut meeqqanullu nakuuserfigineqartunut suliniut taakkununngalu ikiuiniarneq nukittorsarniarlugu.