Ilisarnaatit takussutissallu

Persuttaanerup ilisarnaatai
Angerlarsimaffimmi persuttaasarneq nipaannermik paqumanermillu ilaqartarpoq. Eqqarsaatigiuminaallunilu akueriuminaattarpoq inuk alla inooqatigisaminit persuttarneqarsimagaangat.

Arnaagajuttarput aapparisamit persuttarneqartartut kisiannili aamma angutit aapparisamit persuttarneqartarput. Ilisarnaatit ataaniittut arajutsinaveersaakkit pasitsaasaqarsimaguit inuup angerlarsimaffimmi persuttarneqarsimaneranik:

Timikkut malunniutit

  • Inuk tilluusaqarpoq pullattoorlunilu nasartaammik, atikkersorluarsimanermik assigisaanillu toqqorterniarneqartunik.
  • Inuk arlaleriarluni ”ajutoortarpoq” nassuiarneqarsinnaanngitsunik, nassuiaataanilluunniit upperisassaanngitsunik 
  • Inuup isumagissaarnera, isikkua oqimaassusaalu allanngoriataartarput

Iliuutsit 

  • Inuup isumaqatigiissutaasut puigortarpai unitsiinnarajuttarlugilluunniit
  • Inuup annilaangagisorujussuusarpaa aapparisap ajuallatsinnissaa
  • Inuup utoqqatsissutigigajuttarpaa inooqammi pissusilersortarnera

Persuttaasartup pissusilersortarnera

  • Aappaasup arajutsinaveersaaqissaartarpaa aapparisap sulerinera. 
  • Aappaasoq akuttunngitsunik sianertarpoq sms-ertarlunilu apeqqutigisarlugulu sumiinnera, kikkut ilaginerai il.il.
  • Aappaasup nikanarsartarpaa oqarfigisarlugulu ”sianiipputit, ersinarputit, atorsinnaanngilatit”.

Ilisimasalittut aammalu ikinngutitut, pisortaasutut, suleqatigisatut, ilaqutaasutut il.il. nalorninarsinnaasarpoq qaqugukkut qanorlu akulerunnissaq, aamma persutaasimanermik atornerluisimanermillu pasitsaassaqarnermi qanoq iliuuseqarnissaq, inummummi nalilerujussuit pineqartarmata. 

Atuaruk qupperneq Qularneq inuppalaarneruvoq tassani qularnerup qanoq suliarineqarnissaa nassaarisinnaavat