Angutinut persuttaasarneq

Kalaallit Nunaanni angutinik persuttaaneq
Angutit 17 qaangerlugit ukiullit 56,6 %-ii inuunermik ingerlanerani angerlarsimaffimmi avataaniluunniit persuttarneqartarsimapput persuttarneqarnissamilluunniit sioorasaarneqartarsimallutik.

Ersarissumik angutit arnanit ikinnerit, tassa 65,2 %-ii, inooqatigisamit inooqatigisimasamilluunniit persuttarneqartarsimapput.

Angutit persuttarneqaraangamik persuttaasoq:

  • Maanna qangaluunniit inooqataasimavoq - 8,7 %
  • Ilaquttat akornaneersuuvoq - 8,4 %
  • Ikinngutaavoq ilisarisimasaalluniluunniit - 15,2 %
  • Suliffimmi suleqataavoq - 2,4 %
  • Takornartaavoq - 31,5 %
  • Inuk alla - 33,7 %

Kalaallit Nunanni 2005- imiit 2010-mut inuiaqatigiinni misissuinermi angutit timikkut persuttarneqarsimasut sioorasaarneqarsimasulluunniit amerlassusaat takutinneqarput.

  • 38,8 % ajatsittarsimapput, issuttuuneqarlutik patitsillitilluunniit
  • 37,1 % isimminneqarsimapput, tillunneqarsimapput anaatissimallutilluunniit
  • 8,0 % pequtinut, iikkamut igitaasimapput tummeqqakkulluunniit nakkakattartinneqarsimallutik
  • 12,7 % sakkortuumik qimeriarneqarsimapput, savimmik aallaammiluunniit saassunneqarsimallutik
  • 31,8 % sioorasaarneqarsimapput annertuumik ersiortinneqarlutik
  • 16,5 % allatut persuttarneqarsimapput

Ukioqatigiiaani 18-iniik 44-t akornanni ukiulinni angutit persuttarneqarnissamut navianartorsiortinneqartarsimapput, tamatuma kingorna annikilliartuinnartumik navianartorsiortinneqartarlutik.