Arnanut persuttaasarneq

Kalaallit Nunaanni arnanut persuttaasarneq
Arnat 17-it qaangerlugit ukiullit tamarmik 62,4 %-ii inuunermi ilaani persuttarneqartarput imaluunniit angerlarsimaffimminni tamassumaluunniit avataani persuttarneqarnissamut sioorasaarneqartarput.

Ukioqatigiiaani 18-iniik 54-it tungaannut ukiulinni arnat persuttagaanissamut navianartorsiornerusarput, arnallu utoqqaanerusut navianartorsiunnginnerusarlutik.

2005-imiit 2010-mut Kalaallit Nunaanni inuiaqatigiit akornanni misissuinerup takutippaa arnat timikkut tarnikkullu assigiinngitsutigut persuttagaasarsimanerat annertuumilluunniit sioorasaarneqartarsimanerat qanoq annertutigisimanersoq.

  • 48,5 % misigisarsimavaat ajatsinneq, issuttortinneq patitsinnerluunniit
  • 36,9 % misigisimavaat isimmissartinneq, tillutsinneq allamilluunniit anaalertinneq
  • 14,8 % misigisimavaat pequtinut, iikkamut igitaaneq tummeqqakkulluunnit nakkakartartitaaneq il.il.
  • 16,4 % misigisimavaat qiminniarneqarneq, savimmik aallaamilluunniit saassutsinneq
  • 45,9 % sioorasaarneqarsimapput ingasattumik ersiortitsilersumik
  • 20,7 % persuttaanernik allanik misigisaqarsimapput

Ersarissumik arnat misissuinermi peqataasut 8,7 %-ii angutinit inooqatigisamit inooqatigisimasamilluunniit persuttarneqartarsimapput.

Arnat persuttagaasarput persuttaasoq:

  • Inooqatigigaanni inooqatigisimagaanniluunniit - 65,2 %
  • Ilaqutaasut ilagippassuk - 5,7 %
  • Ikinngutigisaq ilisarisimasarluunniit - 3,7 %
  • Suleqat/suliffimi inuk - 2,6 %
  • Takornartaq - 9,8 %
  • Inuk alla - 13 %

Inuiaqatigiinni misissuinermi arnat nukarlersaat, 18-it 24-illu akornanni ukiullit, utoqqaanerusunit immikkooruteqarput, taakkua 48,6 %-ii inooqatigisamit persuttagaannginnerusarsimagamik.

Kalaallit Nunaanni Meeqqat 2009 missiliuutigaat meeqqanut 0-niik 14-inut ukiulinnut anaanaasut 16 %-ii inooqataasumit timikkut persuttagaasarsimasut. Tunumi anaanat pingajorarterutingajaat inooqatigisamit timikkut persuttarneqarsimapput. Nuummi anaananut persuttangaasartunut sanilliullugit amerlassusaasa marloriaatigaat.