Aningaasanik atornerluineq

Aningaasat atorlugit aqutsineq
Persuttaanerit ilagaat inuup allap aningaasaatiminut tunngasunik aalajangiisinnaaneranik atuisinnaaneranillu arsaarinninneq.

Aningaasaqarnikkut nakkutilliineq aqqutigalugu persuttaasup assersuutigalugu inuup akissarsiai tigusinnaavai agguataarlugillu kaasarfimmiussaanik tunisarsinnaallugu.

Persuttaasullunniit inoqanni pinngitsaalillugu akiitsoqalersissinnaavaa.

Innarluutilinnut immikkut ittumik
Inuit innarluutillit aningaasaqarnermikkut atornerlunneqarnerannut assersuutaasinnaavoq innarluutilik angerlarsimatinnagu innarluutillip aningaasaatai inuup atornerluisup tamaasa tiguppagit.

Assersuut alla tassaasinnaavoq inummik innarluutilimmik aningaasatigut iluaqutiginninneq. Tamanna takuneqarajuttarpoq innuttaasunut ineriartornikkut kinguarsimasunut tunngatillugu.