Tarnikkut persuttaaneq

Tarnikkut persuttaaneq timikkut persuttaanermit takussaannginnerugajuttarpoq, ilagisinnaavaallu sangianneq/ningarneq, sioorasaarinerit, nakkutiginninneq aqutsinerlu.

Tarnikkut persuttaaneq assigiinngitsorpassuarnik periusiuvoq, inuup inoqammut akornusiisinnaanera, ersiortitsisinnaanera, ajoqusiisinnaanera, aqutsisinnaanera naalagaaniarsinnaaneralu pissaanermik sioorasaarinermilluunniit tunuliaquteqarneq ikiorsiullugit.

Tarnikkut persuttaaneq assersuutigalugu makkuninnga ilaqarsinnaavoq:

  • Toqqaannartumik sioorasaarineq
  • Ammut isiginninneq nikanarsaanerlu
  • Aqutsiniarneq killilersuinikkullu mattussineq

Aamma akerleriissitsilersinnaavoq, persuttagaasup taassumalu ilaqutaasa ikinngutaasalu akornanni.

Tarnikkut persuttaaneq toqqaannartuusinnaavoq toqqaannartuunaniluunniit, saqqummersinnaasarlunilu sangiannikkut/ningarnikkut, taamaalinermi inooqatigisamik aqutsilernermik nakkutiginninnermilluunniit kinguneqartartoq 

Persuttaaneq malunnaateqanngikkallartoq
Tarnikkut immikkut ittumik persuttaaneq persuttaaneruvoq malunnaateqanngikkallartoq – persuttarneqartartup ilisimaaraa persuttaasoqalersinnaanera.

Persuttaaneq malunnaateqanngikkallartoq persuttaaneruvoq qalliuniarnerpaaq, pissutigalugu persuttarteqqerartarnissap eqqorneqartup pissusilersornerata piareersimatissavaa persuttaqqinneqarnissaq pinngitsoorniarlugu.

Taqissuineq – malersuineq aamma uumisaarineq
Taqissuineq tarnikkut persuttaanerit ilagaat, tassunga ilaapput aaqqissugaasumik ataavartumillu malersuineq uumisaarinerluunniit.