Persuttarneqarsimasunik oqaloqatiginninnissamut siunnersuutit pitsaasut

Persuttarneqarsimasumik oqaloqateqaraangavit siunnersuutit pitsaasut
Ilinnut ilisimasalittut pingaartuuvoq eqqissisimasuunissat tusarnaartuunissallu, oqaloqatiginninneq naallugu eqqissisimasuunissat pissanganarsaannginnissallu. Qanilaartuugit persuttarneqarsimasullu oqaluttuarisaanut tusarnaarluaqqissaarlutit.

Persuttarneqarsimasup nukissai ukkatikkit

  • Inuup nukissaatai ukkatikkit allaaseralugillu. Soorlu: ”qujanaqaaq ullut tamaasa meeqqatit atuariartortittarakkit”/”ataatsimiigiaravit”/”suliffiit paarigakku”. Persuttaanerup kingunerisinnaavaa, persuttarneqarsimasoq inuttut nukissalittut imminut isiginngitsoq.
  • Persuttarneqarsimasoq paasitinniarsariuk pisumi nalinginnaanngitsumi nalinginnaasumik qisuariarsimaneranik.
  • Persuttaaneq pillugu oqaluuseriuk
  • Persuttaanerup qanoq pilersimanera apeqqutigissanngilat. Ajornartorsiut imartuugajuttarpoq taamaattumillu apeqqut akiuminaatsuusinnaasarluni. Persuttaanerup ilai paasineqarsinnaassanngillat aamma oqaloqatigiinnerup ingerlaqqinnissaanut inniminarsinnaallutik.
  • Persuttarneqarsimasoq oqaluttuarfigiuk inuit ilarpassuisa ilaqutariinni persuttaasarneq misilittagaqarfigigaat, taamaalilluni ajornartorsiut nalinginnaasunngortinneqarluni.
  • Persuttarneqarsimasoq pisuutinnaveersaassavat inooqatimik qimatsisimanngimmat; soorlu aperissanngilatit ”sooq ingerlaannanngilatit?”
  • Apeqqutigiuk aappariilluni qanoq innersoq. Persuttarneqarsimasup inissisimaneranik ataatsimut isiginnilernissaanik ikioruk. Persuttarneqarsimasut ilaasa persuttaaneq nalinginnartut paasisarpaat.
  • Persuttarneqarsimasoq ikioruk inuunermi inissisimaneranik paasinnilluarniassammat ´kiap, suna qanoq apeqqutini´. Oqaluttuarnikkut persuttarneqarsimasup inissisimanini paasilluarsinnaavaa.
  • Persuttarneqarsimasoq oqaluttuarfigiuk inuit tamarmik aappaqarnerminni toqqissisimasuusinnaasut, aamma persuttaaneq inatsisinik unioqqutitsinerusoq.

Eqqaamajuk: Ilaqutariinni angajoqqaaq persuttarneqarsimasoq ikioraangakku aamma meerai ikiortarakkit!

  • Arajutsinaveersaaruk tatiginninnerup pingaaruteqassusia. Arnap persuttarneqarsimasup eqqarsaatigigajuttarpaa anaanaanerluttuusinnaanini annilaangaatigisarlugu meeqqami angerlarsimaffimmiit peersitaanissaat.
  • Tamakkiisumik isertuaatsuunissat neqeroorutiginngisaannaruk, oqaloqatigiinnermi tikinneqartamata ingerlateqqinneqartariaqakkatit.
  • Arajutsinaveersaakkit aapparriinnermi inatsisitigut inissisimaneq, tamatumani angajoqqaatut oqartussaassuseqarneq suli qulaajarneqarsimanngippat.
  • Arajutsinaveersaaruk persuttarneqarsimasumut ikiuineq tassaammat persutaanerup ajornartorsiutigineqarneranut paasinninnerusoq. Ikuinngitsoorneq paasineqarsinnaavoq persuttaanermik akuerinninnertut.
  • Persuttarneqarsimasoq eqqortumik oqarfigiuk ikuinissaq qanoq ittoq ilimagineqarsinnaanersoq.
  • Arajutsinaveersaaruk persuttarneqarsimasup ikiortissarsioruminaatitsisinnaanera, eqqugaasoq eqqarsaqqajaasarmat: ”Persuttaanermi nammineq pisuuvunga”.
  • Persuttarneqarsimasoq paasinninnermik, inussiarnernermik naammagittarnermillu paasitiguk.