Ilinniutit

Aappassiamik anniartitsisarneq

Aappassiamik anniartitsisarneq tassaavqo oqaluuserissallugu mianerussassaq paquminarsinnaasorlu, taamaammallu inimi atuarfiusumi oqaluuserinissaa inuusuttuaqqanut ajornakusoorsinnaasarluni.

Inuusuttuaqqat tamanna ammasumik oqaluuttarnerisigut atuarfiit ilinniagaqarfiillu allat inuusuttuaqqanut inuttut inerikkiartortitsisinnaapput aappassiaqarnermilu inuuneq nuannersoq qanoq innersoq qaammarsaaffigineqarluarsinnaalluni - taamak iliortoqarneratigut inuusuttuaqqat paasitinneqarsinnaapput qanoq ilisoqaraangat aappassiariinnerit nuannerunnaartarnersut qanorlu ajoqusiisinnaatiginersut. Tamanna aappassiamik anniartitsisarnermut pinaveersaartitsisinnaavoq.

Quppersagaq inooqateqarnerit.gl iserfiguuk isumassarsianillu aallerfigalugu aappassiamillu anniartitsisarnermut ilisimasat paasisaqarfigalugit.

Inuusuttuaqqat 14-it 18-illu missaasa ukiullit akornanni aappassiamik anniartitsisarneq atuagassiaq atuartitsinermi atugassiaq uani aasinnaavat:

Atuagassiaq: Ilaa aappassiaminnik annersitsineq ajorput.pdf

Meeqqanik persuttaasarneq

Ilinniartitsinermut quppersagaq ”Meeqqat pisinnaatitaaffii atuartitsinermut ilanngullugit” meeqqat pisinnaatitaaffiinik sulissuteqartumit MIO-mit aamma Inuit Pisinnaatitaaffii pillugit Institut-imit suliarineqarsimavoq imaqarlunilu ilisimasanik, suliassanik sammisassanillu, taakku ilinniartitsisunit uunga atorneqarsinnaallutik:

  • Meeqqat piginnaatitaaffii pillugit ilinniartitsinissap pilersaarusiorneranut
  • Eqqarsaqqissaarluni pilersaarusiorluni, qanoq ililluni ilinniarnissamut avatangiisit ineriartorfiusut atuartullu pisinnaatitaaffiinik ataqqinnillutik ikorfartuisut pilersinneqassanersut. 
  • Atuartut siunnersuisoqatigiivi angajoqqaallu ilaatinneqarnerunissaat nukittorsarlugit.

Qupperneq 33-mi pitsaasunik siunnersuusiortoqarsimavoq, sammisaq nakuuserneq qanoq ililluni atuartitsinermut ilanngunneqarsinnaanersoq.

Atortussiat Meeqqat atuarfianni atuartunut nukarlernut akullernullu atugassiaapput.

Meeqqat pisinnaatitaaffii atuartitsinermut ilanngullugit

Sumiginnaaneq pillugu isiginnaagassiaq

Peqatigiiffiup Grønlandske Børn-ip ilinniartitsinermi isiginnaagassiaq pilersissimavaa imak atilik: "Takusinnaaviuk? Meeqqat isumaginninnerlunerlu. Suna ilisimaviuk? Qanoq iliussavit?"

Isiginnaagassiap takutippaa qanoq sullissisut meeqqat ersersinniagaannik tappinnerulersinnaanersut qanorlu meeqqat pisariaqartitaat eqeersimaffigneqarluarsinnaanersut soorlu angajoqqaanik oqartussanillu suleqateqarnikkut. Aammattaaq erserqqissarneqarpoq meeqqanik sullissisuugaanni iliuuseqarnissamut pisussaaffiup ilisimaneqarnera qanoq pingaaruteqartiginersoq.

Isiginnaagassiap saniatigut atuagassiaq atuartitsinermut atugassiaq pilersinneqarsimavoq, tamatumani sullissisut ajornartorsiutit isiginnaagassiamit saqqummiunneqartunut itinerusumik pulaffigisinnaaniassammatigit.

Uani isiginnaagassiaq isiginnaarsinnaavat atuangassiarlu aasinnaallugu.