Inatsisit nalinginnaasut

Timikkut anniartitsinerit
Kalaallit Nunaanni Pinerlittaalisitsinermut inatsisip ataanni inissimapput annersaasarnernut, ajortumeerinninnernut pinngitsaaliillunilu atoqateqarnikkut iliuutsit.

§ 88. Nakuusernermut eqqartuunneqassaaq kinaluunniit piaaraluni inuup allap timaanik ajoqusiisoq imaluunniit innarliisoq. Taamatuttaaq pineqassaaq mianersuaalliorluni inummik allamik timaatigut peqqissusaatigulluunniit annertuumik ajoqusiisoq.

§ 77. Pinngitsaaliilluni atoqatiginninnermut eqqartuunneqassaaq kinaluunniit 
1) nakuuserluni imaluunniit nakuusernissaq sioorasaarutigalugu pinngitsaaliilluni kujannittoq allatulluunniit kinguaassiuutitigut atoqatiginnittoq. 
2) inummik katissimanngisaminik iliuutsimut akerlileeriarsinnaanngitsumik kujannittoq allatulluunniit kinguaassiuutitigut atoqateqartoq. 
Imm. 2. Taamatuttaaq pineqassaaq kinaluunniit, iliuuseq imm. 1-imut ilaatinneqarsinnaanngikkaluartoq, unioqqutitsilluni pinngitsaaliilluni kujannittoq allatulluunniit kinguaassiuutitigut atoqatiginnittoq, takuuk. § 91.
§ 91. Inatsisit unioqqutillugit pinngitsaaliinermut eqqartuunneqassaaq kinaluunniit
1) nakuuserluni imaluunniit nakuusernissaq sioorasaarutigalugu, (…) pinngitsaaliilluni iliuuseqartitsisoq, naammagalugu atuisitsisoq imaluunniit iliuuseqanngitsoortitsisoq

Tarnikkut anniartitsineq

Kalaallit Nunaanni Pinerlittaalisitsinermut inatsit toqqammavigalugu kinaluunniit tarnikkut anniartitsisoq taamaasiorniarluniluunniit sioorasaarinnittoq.

§ 98.Sioorasaarisutut eqqartuunneqassaaq kinaluunniit inummut allamut taassuma allalluunniit inuunerata, peqqissusaata, atugarissaarnissaataluunnit ajoquserneqarnissaanik annilaangatitserujussuar-nartumik iliuuseqarluni pinerluuteqarniarluni sioorasaarisoq.