FN-ip meeqqat pillugit isumaqatigiissutaa sunaava?

Meeqqat pillugit isumaqatigiissut sunaava?
Kalaallit Nunaata FN-ip meeqqat pillugit isumaqatigiissut 11. maj 1993-meersoq atsiorpaa, taamaalillunilu pisussaatilerluni inuiaqatigiinni meeqqat piginnaatitaaffiinik piviusunngortitsinissamut. Isumaqatigiissut nunat peqatasaut akornanni pituttuisuuvoq, nunat pisussaatitaapput meeqqanut naleqquttumik nunarsuaqarnissaannut najoqqutassianut.

Isumaqatigiissummi allaaserisaq 19-mi aalajangersarneqarpoq nunat peqataasut meeqqamik illersuinissaannik meeraq ajortumik pineqarpat.

  1. Naalagaaffiit peqataasut meeqqat timikkut tarnikkullu persuttarneqarnissaanik, akornuserneqarnissaanut atornerlunneqarnissaanullu, paarinerluineq imaluunniit sumiginnaanermik pinninneq, naalliutsitsineq atornerluinerluunniit, ilanngullugit kinguaassiutitigut atornerluineq meeqqat angajoqqaaniinneranni, oqartussaasumiinnerani inunniluunniit allanit paarsarineqarnerani meeqqamik illersuinissamut inatsisitigut, allaffissornikkut, isumaginninnikkut ilinniartitaanikkullu meeqqap illersorneqarnissaanut malittarisassiussapput.

  2. Illersuiniarluni malittarisassat taamaattut najoqqutassanik sunniuteqarluartunik naleqquttunik annertussusilinnik imaqartariaqarput, tassalu isumaginninnermi pilersaarutit suliarineqarneranni meeqqamut paarsisuusunullu pisariaqartumik tapersersuisinnaasunik aamma imaqartariaqarput pitsaaluinernik sunilluunniit, kinaassusersinermik, nalunaarusiornermik, innersuussinermik, misissuinermik, meeqqanillu naalliutsitsisimasoqartillugu katsorsaanermik malitseqartitseqqinnermillu soorlu siuliini allaaserineqartutut pisariaqassappallu inatsisigut malersorneqarnissaat ilanngullugit.

Meeqqat pillugit isumaqatigiissut inatsisaanngilaq, sulianili tikkuusisinnaavoq kalaallit inatsisaanni aalajangersakkat paasineqarnissaannik qularutiginnilernermi.