Meeqqamut persuttaasarnerup patsisigisai

Meeqqamut persuttaasarnerit patsisigisaat assigiinngitsorujussuusinnaapput:
 
  • Inuit ilaasa persuttaasarneq perorsaanermi pissusissamisoortutut sakkutut isigisarpaat. Angajoqqaat kukkusumik isumaqarsinnaasarput persuttaanermik atuisarneq perorsaariaasiusoq, nangartaariaasiusoq meeqqanillu pillaariaasiusoq akuersaarnartoq.
  • Inersimasut pissaaneqanngissusiat pilersitsisinnaasarpoq meeqqamut peqqissumik pissusilersornermut killissatut qaangiisartutut. Pissaaneqanngissuseq assersuutigalugu takkussinnaasarpoq meeraq uippakajaalaarnermi naalakkumanngippat, matumani pineqarajuttarput inersimasut persuttaanermik atuinerup eqqortuunnginneranik ilisimasaqartut, kinguninngualu kanngusuutigisaraat uggorisarlugulu. Pisulli kingunerisarpaa qaangiuttussaasoq. Ataasiartumik piguni, uteqqinneqarsinnaalluarpoq.
  • Angajoqqaat tarnikkut nappaatillit imigassamilluunniit ajornartorsiutillit nukissaqarsinnaassanngillat paasissallugu persuttaanerup meeqqamut qanoq sunniuteqartarnera aammalu qanoq iliuuseqartussaagaluarnerminnik.
  • Angajoqqaat ilaasa perorsaariaatsit sukangasuut eqqunngitsullu meeraanerminneersut ingerlateqqittarpaat. Immaqa angajoqqaat namminneq meeraanerminni misigisarsimanngilaat ilikkarsimanagulu meeqqat inersimasullu akornanni pitsaasumik pissuseqaqatigiilersitsinissaq. Angajoqqaat ilisimanngilluinnarpaat meeqqamik qanoq perorsarneqarnissaat persuttaanermik atuiffiunngitsumik.
 
Persuttaaliuisitsineq: Innersuussutit qulingiluat SFI-mit (danskisooq)