Nalunaaruteqartarneq sunaava?

Nalunaaruteqartarneq sunaava?
Allakkatigut, oqarasuaatikkut, oqaasitigut e-mailikkulluunnit nalunaarutaasinnaavoq apeqqutaalluni pisup qanoq ittuunera.

Nalunaaruteqarnerup qanoq apuuneqarnissaanut najoqqutassaqanngilaq. Pingaarnertut najoqqutassaavoq nalunaaruteqarnerup allakkatigut pinissaa tamanna uppernarsaanermi ilaatigut atorneqarsinnaammat.

Nalunaaruteqarneq pillugu kommuni iliuuseqartussaavoq oqaasiinnakkut allakkatigulluunniit tamanna pigaluarpat.

Nalunaaruteqartarneq makkuninnga siunertaqarpoq:

  • Nalunaarutip qulakkiissavaa meeqqamut angajoqqaanullu sukkasuumik ikiorneqarnissamik neqeroorfigineqarnissaat 
  • Pissutsinik piviusunik uppernarsaataavoq 
  • Suliamik suliarinninnermi sakkuuvoq 
  • Qularnaveeqqutissatut tunngaviuvoq aalajangikkanut tunngatillugu

Nalunaaruteqarneq, sapinngisamik ajornanngippat, piviusunik, takusimasanik tunngaveqassaaq, tassa sunik takusaqarsimaneq, qanorlu tusagaqarsimaneq aallaaveqassalluni. Imaqassaaq meeqqap inissisimaneranik allaaserinninnermik, tamatumani ilaassapput nukittoqutit sanngeequtillu.

Ulluunerani paaqqinnittarfinni, atuarfinni ulluuneranilu paarsisartuni nalinginnaasuussaaq nalunaarutip pisortaasumit allanneqarnissaa isumaginnittoqarfimmullu nassiunneqarnissaa.

Najukkanni isumaginnittoqarfik paasissutissanik annertunerusunik pissarsiorlutit attaveqarfigiuk.

Eqqaamajuk angajoqqaat suliami paasissutissinneqartussaatitaammata. Piumasarisinnaanngilaalli nalunaarummik atuarnissaq, angajoqqaat pasitsaaneqarsimappata pillaataasinnaasumik iliuuseqarsimasutut.