Ima iliuuseqassaatit

Ima iliuuseqassaatit
Aajuna takussutissiaq persuttaanermik kinguaasiutitigulluunniit atornerluinermik pasitsaasaqaruit qanoq iliorsinnaanernut qanorlu iliornissannut tunngasoq.

Meeqqamut persuttaanermik pasitsaassaqarpit:

  • Takusatit paasisatillu allattukkit 
  • Takusatit paasisatillu pillugit pisortarisat oqaloqatigiuk 
  • Naliliiguit ajornartorsiut piviusuusoq taava isumaginninnermut oqartussaasut attaveqarfigissavatit. 
  • Nalunaaruteqartussaatitaaneq sulianut ataasiakkaanut atuuppoq, aamma pisariaqanngilatit pisortannik isumaqateqarnissamut nalunaaruteqarniaruit. 
  • Eqqarsaatigilluaruk angajoqqaat peqataatinneqassanersut. Eqqaamajuk: Pasitsaassineq angajoqqaanut sammitinneqarpat, taava angajoqqaat peqataatissanngilasi!
  • Misigisaqaruit kommuni iliuuseqanngitsoq Isumaginninnermik maalaaruteqartarfimmut isumakuluutit pillugu nalunaaruteqarsinnaavutit:

Paasissutissanik paarlaasseqatigiittarneq
Kommuni nalunaarummik tigusaqaruni kommunip pisariaqartissinnaavaa paasissutissanik pissarsiniarnissaq nalilerniarlugu ikiuinermik aallartitsisoqassanersoq allatigulluunniit iliuuseqartitsisoqassanersoq. Tamatigungajak kommuni inummut ulluinnarni meeqqamut qanimut attaveqartuusumut saaffiginnittarpoq; soorlu perorsaasunut, ilinniartitsisunut, ilaquttaasunut il.il.