Qanoq pisoqartarpa nalunaaruteqaraangavit?

Nalunaaruteqarneq, pasitsaasaqarneq, misissuineq, aalajangiineq aamma paasissutissiineq
Kommuni nalunaarummit tigusaqaruni isumaginninnermut oqartussaasut misissuineq aallartissavaat nalunaaruteqarneq tunngavigalugu, aammattaaq tunngaviit ilanngullugit meeqqap isumannaatsuunera kiisalu persuttaqqinneqartarsinnaanera.

Persuttaanermik patsisaasisimasoqartillugu isumaginninnermut oqartussaasut nalinginnaasumik angajoqqaat attaveqarfigissavaat oqaloqatiginninnissaq aallartinniarlugu meeqqamillu oqaloqateqarniarlutik. Persuttaanermik pasitsaasineq angajoqqaanut tunngassuteqarpat kommunip siullermik politiit oqaloqatigissavai, unnerluutiginninnermut, paasiniaanissamut tunngatillugu qaqugu angajoqqaat attaveqarfigineqassanersut il.il.

Aammattaaq kommunip ulluunerani neqeroorutinut atuarfimmut oqartussaasunulluunniit allanit paasissutissat pissarsiarissavai. Siunertaavoq meeqqap pisariaqartitsinerata ersarissarneqarnissaa, immikkut tapersersorneqarnissaq anguniarlugu. Matumani angajoqqaat nukissaqarnerat apeqqutaalluni aamma attuumassutillit allat nalililiinermi peqataatinneqalissapput. Misissuisimaneq tunngavigalugu kommuni aalajangissaaq qanoq pisoqarnissaanik.

Misissuinerup immikkoortortaa isumaginnittoqarfiup, meeqqap ilaqutaasullu akornanni tunngassuteqarpoq. Tassa imaappoq nalunaaruteqartoq qaqutiguinnaq misissuilersimaneq pillugu ilaatinneqalersarpoq.

Allakkatigut nalunaarummik tigusaqarnermi ingerlatsinermut ileqqorissaarnissamut naapertuuttuuvoq kommunip uppernarsarpagu nalunaarummik tigusaqarsimanini.

Eqqaamassalluguli pingaartuuvoq nalunaaruteqartoq inatsisitigut suliami peqataannginnissaa, taamaattumik nalunaarutinik pissarsisinnaanngilaq suliami kommunip qanoq iliuuseqarnissaanut tunngasunik. Taamaakkaluartoq ilaanni pissusissamisoortuuvoq kommuni killilimmik nalunaaruteqartoq paasissutissikkuniuk suliniummik ingerlatitseqqinnissaq pillugu.

Paasissutissiineq taamallaat pisinnaavoq angajoqqaat akuerseqqaarnerisigut, paasissutissanik ingerlatitseqqinneq inunnut ataasiakkaanut pisortalluunniit oqartussaaffiinut attuumassuteqanngippat, tassalu isertuussinissamik qaangiisoqanngippat, ilanngullugu nalunaarutiginnittumut innimisunnissaq tunngatiilugu. Tassa meeqqamut innimisunneq pingaarneruvoq angajoqqaat innimisunnerannit paasissutissanik illersuinissamut tunngatillugu.

Meeqqanik inuusuttunillu ikiorsiisarneq pillugu Inatsisartut peqqussutaanni nr. 1 15. april 2003-meersumi § 5 malillugu nalunaarutiginninnerup nassatarissanngilaa kommunip suliniuteqarnissamik aallartitsinissamut pisussaaffeqarnera. Pisut ilaanni nalunaaruteqarnerup pisariaqartilersarpaa kommuni nalinginnaasumik nakkutilliisussaatitaanermut ilaasumik inatsimmi § 4 malillugu misissussavaa ikuinissamut pisariaqartitsisoqarnersoq.