Qularneq inuppalaarneruvoq

Qularneq inuppalaarneruvoq
Qanigisani persuttaasarneq pillugu suliassaasinnaasoq takkuppat, tamatigungajak iliuuseqarnissaq pisariaqartarpoq – eqqortumillu iliusseqarnissamut – suliaq suleqatillu oqaluuserigaanni aamma navianaateqarnera ammasumik oqaluuserigaanni.

Ajornakusoornartorujussuusinnaavoq persuttaanermik pasitsaassaqarneq pillugu iliuuseqarnissaq, inummummi annertuumik artukkiisinnaavoq ataasiakkaani sulisunilu peqataasuni apeqquterpassuarnik pilersitsisartoq:

  • Qanoq iliuuseqassaanga innarliinermik pasitsaasaqaruma? 
  • Innarliinermut qanoq arajutsiaanerulersinnaavunga? 
  • Innarliinerit assigiinngitsut meeqqamut susarpat? 
  • Pasitsaassinera qanoq iliuuseqarfigissavara? 
  • Qularuteqaruma qanoq tapersersorneqarsinnaavunga? 
  • Pasitsaasinera pillugu kina oqaloqatigisinnaavara? 
  • Periutsit suuppat qanoq iliuuseqarnissannut – soorlu nalunaaruteqarnissamut? 
  • Qanoq ilisukkut angajoqqaat oqaloqatigissavakka – angajoqqaat oqaloqatigisariaqarnerpakka?

Assigiinngitsitsissaqaaq piareersarsimagaanni pasitsaassineq takkuppat. Pineqartoq suleqatillu oqaluuserineqarsimava – aamma ataatsimoortumik iliuuseqarnissamut periarfissat tunngavigigaanni, periarfissaqarnarneruvoq iliuuseqarnissamut eqqortumillu iliusseqarnissamut.

Upalungaarsimanissamut allattugaateqarneq – qanoq iliuuseqarnissamik allaaserinnittumik – paatsiveerunnissamut illersuutaavoq pitsaanerpaaq. Namminersorlutik Oqartussat isumassarsiorfimmik katalogiuteqarput tassani sammineqarput meeqqamut siusinnerusukkut pisup nalaani kingornalu innarliinermik allaaserinnittunik. Uani isumassarsiorfik nassaarisinnaavat. Aallerfissiaq aamma isumassarsiorfinnik allanik aallaaveqarsinnaavoq, najoqqutassanik kommunimiluunniit upalungaarsimanernik il.il. aallerfiusinnaasoq.

Tamaginni pingaaruteqarpoq illit imminut upperiguit aamma sulinermut pikkorissuseqaruit. Takusassatit takusimavatit. Qullersarisat qaninnerpaaq saaffigiuk eqqarsaatinnik takusannillu oqaloqatiginninnissamut.

Aporfissat arajutsinaveersaakkit

Aporfissat arlaliupput meeqqanut persuttaaneq pillugu suliamik oqaluuserinninnissamik ajornakusoornartitsisunik. Inuttut ajornakusoornarsinnaavoq pisunik misigissutsinillu isiginnittuusutut ilisimasaqalernissaq, aamma suliamut tunngassuteqartunik nalornisooruteqalersitsisinnaasunik:

  • Meeraq timikkut tarnikkullu persuttagasimasoq qanoq periuseqartarpa? 
  • Meeqqat periuserisartagaat qanoq ittuuppat? 
  • Meeqqat pinnguartarnerat ineriartornerallu qanoq ippat? 
  • Qanoq ilisukkut akuleruttoqartariaqartassava? 

Allat peqatigalugit isumakuluuteqarnissamik pisariaqartitsineq suliamut pikkoriffiullunilu inuppalaarneruvoq, ilaatigut qulaajassallugu: kina attaveqarfigissavara, qanoq pisoqassava saaffiginnikkuma?

Aporfiit qaangernissaannut aqqutit pitsaanersaat tassaavoq oqaloqatiginninneq.