Persuttaanerup meeraq qanoq sunnertarpaa?

Meeqqamut timikkut tarnikkullu persuttaanerup suut kingunerisarpai?

Meeqqap timikkut persuttarneqarsimasup kingunerisinnaasai:

  • Sakkortusaarniarneq
  • Aporaanernik aaqqiisinnaassuseqannginneq
  • Kingunerlutsitsinerit
  • Ersiortumik pissusilersorneq
  • Inooqatigiinnermi, paasinnissinnaanermi misigissuseqarnermillu kingusinaartumik ineriartorneq
  • Ataasiinnarmik ukkassiuminaatitsineq ilikkagaqarluarsinnaannginnerlu 
  • Imminut akornusiisumik pissusilersorneq 
  • Nikallunganeq isumatsassimaangaarnerlu 
  • Timikkut innarlilaarsimanerit, tilluusarnerit, kimillannerit il.il.
  • Timikkut akornusernerit annertuut, soorlu pillittoornerit, saanermik napisoornerit, qaratsakkut innarlernerit ajornerpaamillu ajoqusernerit kingunerisaannik toqquteqarneq
  • Tarnikkut akornusernerit, soorlu meeraq ersiorsinnaavoq, tunuarsimaartunngorsinnaavoq aamma ineriartornermini kinguaattoorsinnaavoq
  • Imminut tatigivallaannginneq, imminut toqunnissamik eqqarsaateqarneq imminullu toqunnissamut pissusilersorneq 
  • Inersimasuunermi ajornartorsiutit soorlu suliffimmi ilaqutariinnermilu

Meeqqap tarnikkut persuttarneqarsimasup kingunerisinnaasai:

  • Imminut mattusimaneq ersiornerlu
  • Nikallunganeq toqqaannartumilluunniit isumatsassimangaarneq
  • Saassussiumatooq
  • Ineriartornermini akornutilik
  • Ilikkarsinnaanermik ukkassisinnaanermillu ajornartorsiutit
  • Inooqatigiinnermi imminut mattusimaneq
  • Imminut naleqartinnginneq
  • Imminut tatiginnginneq, ikiortissaqanngissuseq aamma unamminartunut tunniutiinnaqqajaaneq
  • Imminut aserorternermik pissusilersorneq
  • Imminut annerusumik toqunniarsarineq
  • Nerilluarsinnaannginneq – saluttuuneq pualavallaarnerluunniit
  • Inersimasuunermi ajornartorsiutit soorlu suliffimmi ilaqutariinermiluunniit