Pisussaavutit iliuuseqarnissamut

Nalunaarutiginnittussaatitaaneq
Innuttaasutut ilisimasalittullu pisussaavutit iliuuseqarnissamut meeraq persuttarneqartoq takugukku.

Inuit isumaginnittoqarfimmi, atuarfinni peqqinnissaqarfinnilu sulisuusut sakkortusisamik nalunaartussaatitaapput ilisimalerunikku meeraq ikiorneqarnissaminik pisariaqartitsisoq. Pisuni ingasattuni politiinut unnerluutigisaanermik pillagaanermillu kinguneqarsinnaavoq sakkortusisamik nalunaartussaatitaaneq malinneqanngippat.

Meeqqamut persuttaaneq ingasattumik innarliineruvoq pinngitsoortinneqartussaq. Taamaattumik aalajangiisuulluinnarpoq sapinngisamik piaarnerpaamik akulerunnissat meeqqamut akornusiinerit annertusivallaannginnerini.

Innarliisoqartarpoq inooqatigiiaani assigiinngitsuni tamani, meeqqallu tamarmik persuttarteratarsinnaapput.

Meeqqat ilaat allaniit navianartorsiornerupput:

  • Meeqqat ilaquttani ingerlalluarsinnaanngitsuni peroriartortut imaluunniit piffissap ingerlanerani inersimasuni angajoqqaarinngisaminniittut
  • Meeqqat persuttagaanermik misigisaqarsimasut imaluunniit angerlarsimaffimmi persuttaanermut isiginnittuusimasut
  • Meeqqat qinngasaarneqartartut
  • Meeqqat ineriartornerminni artornartunik misigisaqarsimasut, soorlu napparsimanermik ilaquttanilu toqusoqarneranik

Ilisimasalittut pisussaavutit isumaginninnermut oqartussaasunut sakkortusisamik nalunaaruteqarnissannut pasitsaasaqaruit meeraq ineriartornerluppat immaqalu persuttarneqarsimappat imaluunniit allatigut paarinerlunneqarsimappat. 

Meeqqamut pingaarnerpaavoq persuttaanerup piaarnerpaamik unitsinneqarnissaa aamma persuttaanerup uteqattaarneqangiinnissaa. Pingaartuuvoq meeqqanut persuttaanermik suliani sapinngisamik piaartumik akuleruttoqartarnissaa. Sulialli ingerlaarnera soorunami peqatigisaanik suliamut tunngasunik illersorneqarsinnaasumik suliarineqarnissaa. 

Meeqqanik inuusuttunillu ikiorsiisarneq pillugu Inatsisartut peqqussutaat nr. 1 15. april 2003-meersoq.
 
Kinaluunniit meeqqamik peqqissutsimigut ineriartornermigulluunniit navianartorsiortinneqarluni atugaqartinneqartumik paasisaqaruni kommunalbestyrelsimut nalunaaruteqarnissamnik pisussaaffeqarpoq.