Tarnikkut persuttaaneq

Tarnikkut persuttaaneq meeqqamut qanoq kinguneqartarpa?
Meeraanermi tarnikkut persuttarneqartarneq timikkut persuttarneqanertut kinguaasiutitigullu atornerlunneqarnertut annertuumik kinguneqartitsisinnaavoq. Persuttaasarnerit ilagaat imaaliallaannaq takuneqarsinnaanngitsoq, ilisarnaatillu persuttaasarnernit allanut sanilliullugit ersernerlunnerusinnaapput.

Meeraq ataavartumik nikanarsagaasimasoq imaluunniit peeruminaatsumik ajortumik inissisimatinneqalersimasoq meeqqap imminut naleqartinneranut pingaaruteqarpoq aamma tunngaviusumik kanngusulersitsisinnaavoq, ikiorneqarsinnaajunnaarsitsisinnaavoq naleqarunnaarsitsisinnaallunilu. Utikajaartumik suussupagineqarnermik misigisimaneq sioorasaarneqartarnerluunniit ineriartornermi annertuunik kingunerlutsitsilersinnaapput. Meeraq pissusilersornermini ajornartorsiuteqalersinnaavoq, inooqatigiinnermi ajornartorsiuteqalersinnaavoq aamma ataasiinnarmik sammisaqarnissamut ajornakusoornartitsilersinnaasarluni.

Inersimasuunermi kingunerisat 
Tarnikkut persuttaasarneq aamma inersimasuunermi kingunerluutaasarpoq. Meeraanermi misigisartakkat inersimasumut inooqatigiinnissamut attaveqalernissamut ajornakusoornartitsisarput aamma soorlu aappaqalernissamut. Ilikkagaqarsinnaassuseq aamma sunnersimaneqarsinnaavoq, ilinniakkamik naammassinninnissamut suliffeqaannarnissamulluunniit ajornakusoortitsisinnaalluni. 

Persuttaasarneq aamma kinguneqarsinnaavoq meeraq inersimasunngornermini angajoqqaangorpat. Pineqartup immaqa ilisimalluarpaa ajortuusoq meeqqap mattusimatinnissaa, sioorasaarneqarnissaa nikanarsarneqarnissaalu, pisulli ajornartorsiutinik qaangiiniaruminaatsilersarpaa.