Timikkut persuttaaneq

Timikkut persuttarneqarnerup meeqqamut suna kingunerisarpaa?
Persuttarneqarneq meeqqamut ajoqutaajuaannarpoq.

Meeqqat tilluusartuuginnarsinnaanngillat – aammali persuttaaneq annertuumik ajoqusiinernik kinguneqarsinnaavoq, immaqalu ataavartumik ikilerneqaataasinnaasumik kinguneqarsinnaalluni.

Pingaartumik meeraaqqat ikilertiasuupput aamma ineriartornerminnut unittoorutigeratarsinnaallugu. Meeqqat issuttuuneqarunik qaratsamikkut akornuseratarsinnaapput, pisunilu qaqutigoortuni tappiillisinnaallutik. Persuttartikulanerup aamma kingunerisinnaavaa meeqqanut angajulliunerusunut ataavartunik akornuteqalerneq.

Timikkut persuttarneqarneq minnerunngitsumik tarnikkut misigissutsikkullu meeqqamut akornusiisarpoq. Meeraq sioorasaarneqarnissamut timikkullu persuttarneqarnissamik perorsarneqartoq ersiortunngorsinnaavoq saassusseqajaasunngorsinnaallunilu. Persuttaaneq ineriartornermi qiimasunnerup toqqissisimanerullu paarlattorluinnaraa.

Innersuusinermi kingunerisat
Timikkut persuttarneqarsimanerup kingunerisa meeqqap inersimasuunngornerata ingerlanerani malersortuaannarsinnaavaat. Ilaatigut meeraq ineriartornermini persuttarneqartarsimasoq inersimasutut inooqatigiinnissamut ajornakusoortitsisinnaavoq aappartaaruminaatitsisinnaallunilu. Ilikkagaqarsinnaassuseq aamma sunnerneqarsinnaavoq, aamma ajornakusoornartitsisinnaavoq ilinniagaqarnerup naammassineqarnissaanut suliffimmilu aallutiinnarnissaanut.

Aammattaaq persuttaaneq kinguneqarsinnaavoq meeqqap inersimasuunngornermini angajoqqaangorneranut. Ilisimassavaa meeqqamut persuttaaneq ajortuusoq, inertiartornermili persuttaagaasarsimanerata aporaannerni aaqqiiuminaallisissinnaavaat immaqalu aamma saassussiumatuungortissinnaallugu.

Pisut tassaapput inersimasumut periuseqartitsilernermik meeraanerminiit eqqarsaatiginngisamik ilisimalersimasaminik.