Inuusuttunik siunnersuineq

Ilinniagaqartunik siunnersuisarneq
Ilinniagaqartut arlaatigut ajornartorsiuteqarsimasut ilinniarfimminni siunnersortiminnut saaffiginnissuteqarsinnaapput.

Saaffiginnissuteqartut siunnersortip Ilinniagaqartut Siunnersuisarfiannut saaffiginnissuteqartissinnaavaat. Taamaasiorniarunik immersugassaq immersussavaat, siunnersortillu Ilinniagaqartut Siunnersuisarfiannut ingerlateqqissallugu. Tassani ataqatigiissaarisup tarnip pissusaannik nakorsaq attaveqarfigissavaa.

Ilinniagaqartup periarfissaqarfigivaa arfineq-pingasoriarluni tarnip pissusaannik nakorsamik oqaloqateqassalluni.

Ilinniagaqartut Siunnersuisarfiat Ilisimatusarfimmit aqunneqarpoq aammalu nunatsinnut ilinniagaqartunut tamanut neqeroorutaalluni.

141 – inersimasunut kingunerlutitsisunut siunnersuisoqarfik
Tassunga ateq taanngikkaluarlugu nunatsinni sumiikkaluaraanniluunniit saaffiginnittoqarsinnaavoq, sianernerlu akeqarani.

Oqarasuaat Inersimasunut meeraanermi kinguaassiutitigut atornerlunneqarsimasunut 141 pilersinneqarpoq. Oqarasuaat ammasassaaq ulluni marlunngorneq & sisamanngorneq nal. 19 - 21 aam-ma arfininngorneq nal. 15.00 – 17.00.

134 – Meeqqanut Inuusuttuaqqanullu sianerfissaq
Oqarasuaatikkut sianeraanni imatut paasineqarsinnaanngilaq tamakkiisumik inuttut pisariaqartitat pillugit meeraagaanni inuusuttuaraagaanniluunni tamakkiisumik ikiorserneqarfiusinnaasoq. Kisiannili tapitartuutaalluarsinnaavoq, tassuunatigummi meeqqat inuusuttuaqqallu paasisinnaammassuk ilumut Meeqqat Inuusuttuaqqallu oqarasuaataatigut ajornartorsiutitik pillugit sapaatip akunnera naallugu nal. 19.00 – 21.00-mut saaffiginnissuteqarsinnaallutik.