Annersaasarnerup pisarnerani

Annersaasarnerup pisarnerani
Massakkut qularnaartariaqarpat ilumut inuk pineqartoq annersarneqarsimanersoq. Pineqartoq annersarneqarnikuusimappat paasitinniartariaqarpat inissisimanini paasilluarsimaneraa. Pingaaruteqarpoq oqaloqatiginninnissat pineqartullu isumannaatsumik pineqarnissaa aallaavigalugit isiginnittariaaseqarnissat. 

Qularnaaruk ilumut pineqartoq anniartinneqarsimanersoq
Nalilersuigit ilumut pineqartup annersarneqarsimanini takussutissanik saqqummiussaqarsinnaanersoq. Nalorniguit arnaq angulluunniit ilumut anniartinneqarsimanersoq sukumiinerusumik pineqartoq apersoqqaartariaqarpat oqaloqatiginninnikkut nalornissutitit anigorsinnaaqqullugit.

Pingaaruteqarpoq oqaloqatigiinnersi torersumik aaqqissuuneqarsimanissaa. Matumani apeqqutissatut assersuusiat anniartinneqarsimasumut apeqqutigisinnaavatit.

Annersarneqarsimasumik oqaloqatiginninneq
Ilisimasaqarfigigukku inuk pineqartoq anniartinneqarsimasoq oqaloqatigiinnerup ingerlanerani paasitinniarsinnaavat qanorpiaq inissisimanersoq aammalu qanoq ililluni anniartinneqarfiunngitsumi inuuneqarsinnaanersoq.

Ilaatigut annersarneqartarsimasut imak sanngiillisartigisimapput nalilersinnaannagu inooqatigiinneq pitsaasumut sanilliullugu annersaaffiusanngitsoq qanoq isikkoqartussaanersoq.

Anniartinneqarsimasup ikiorserneqarnissaq qanoq ittoq pisariaqartippaa?
Misilittakkat takutippaat pisartut piffissami sivisuumi qanoq iliuuseqarfiginissai tikitsinnagit atugarineqarsimasartut.

Anniartinneqartarsimasut aallaqqaataanni periarfissatik pillugit siunnersorneqarnissaminnut pisariaqartitsigajuttarput. Alloriarnissallu piareerunik iliuuseqarfigerusuttarlugit.

Anniartinneqartarsimasut inuunertik paatsiveerateqqasutut misigisaqarfigisinnaasarpaat aammalu imminut pisuuteqqajaasarlutik.

Taamaattumik pineqartup toqqaannartumik sapernaatsumillu ikiorserneqarnissani anillagiarnissaminut pisariaqartittarlugu, soorlu makkunuunatigut:

Sillimaniarneq
Pingaaruteqarpoq eqqarsaatigissallugu annersarneqartarsimasup aammalu meeraqarpat meeraasa isumannaatsumik ikiorserneqarnissaat. Annersarneqarsimasup Sillimaniarneq (qallunaatut) pilersaarutissioqatiginissaanik neqeroorfigiuk.

Annersarneqarsimasumik oqaloqateqartarnerni taanna kisimiittillugu oqaloqatigisaruk. Tassami aamma ulorianaateqarsinnaammat pineqartup meeraasalu anniarteqqinneqarsinnaanissaat, ingammik annersaasarsimasoq najuutseqataappat.

Maluginiaruk kommuni pisussaaffeqarmat meeraqarsimappata taakkua isumannaatsumik tapersersorneqarlutillu ingerlariaqqinnissaat suleqataaffigisussaammagu.