Annersarneqartarani toqqissiartorneq

Annersarneqartarani toqqissiartorneq
Matumani imaassinnaavoq ilaqutariit iluamik ingerlaleqqinnissaat siunertaralugu ingerlariaqqiffiusoq. Imaluunniit aappariissimasut qimallutik inuulernissaminnut ikorfartorniarfiat.

Isumaqatigiinniarnerni ikiorserneqarnissaq
Maluginiarsiuk annersaasartoq tassaagajuttarmat meeqqat ilagisinnaasarnissaat pillugit, pisattat avitseqatigiiffiginiarneranni allatigullu isumaqatigiinniarnissani inissisimalluarnerusoq. Tassami annersaasartup aapparisani qunulersissimallugulu nukissaarutsissimasarpaa. Taamaattoqarsinnaavormi naak anniartitsisarneq unitsinneqarsimagaluartoq. Tassami ersiortitaasarsimanerup kingunerisaanik qisuariarsinnaassutsit anigoruminaatsinneqarsinnaasarmata, aammali taamaattoqaqqissinnaanera suli ernumagineqartarmat.

Pisortat sinniisaasa pineqartut immikkoortillugit oqaloqatigisariaqassavaat, ingammik ersiortitsinerit suli piusimappata.

Nalinginnaasutigut ikiorsiineq
Ikiorsiinerit assigiinngitsut soorlu ilaqutariinnik siunnersuinerit pisariaqarsinnaapput aappariit qimannerannut atatillugu.

Sillimaniarneq
Averusereernerup ingerlalernerani anniartitsisarneq sakkortusiartorsinnaavoq. Anniartinneqartartut ilaasa misigisimasarpaat aapparisimasaminnit malersorneqarnertik.

Sillimaniarneq illersorneqarnerlu suli pisariaqarsinnaasarput, ingammik anniartitsiniartarnerit unissimanngippata.