Eqqaamasariaqakkat

Eqqaamasariaqakkat 

  • Eqqaamajuk pisinnaatitaaffigigakku annersarneqarsimasoq marluinnaallusi oqaloqatiginissaanut.
  • Eqqaamajuk timikkut, tarnikkut aammalu atoqatigiinnikkut innimitsaattuliortoqarsimaneranut takussutissat – aamma pineqartup taamaattuunnginneraraluarpagit  - allattuisariaqaravit, taakkumi kingusinnerusukkut eqqartuussivilersuussisoqassappat uppernarsaatissatut pingaaruteqarmata.
  • Ilaqutariinni meerartaqarnersut maluginiarluaruk – ilaqutariinni annersaasoqarsimagaanngat tamakku meeqqanut sunniutipiloqartarput, naak tamatumani meeqqat pineqarsimanngikkaluartut.
  • Eqqaamajuk pinngitsoornak nalunaaruteqartussaatitaagavit
  • Ilaqutariinni annersaasoqartarsimappat tamanna sullissisut ataasiakkaat nammineerlutik aaqqiivigisinnaanngilaat.
  • Pineqartoq meerarluunniit nutserisussaqartariaqarpat ilaqutaasoq kammalaataasorluunniit taamatut ikiortigineqassnngilaq, ilaqutariit avataanni inissisimasoq ikiortigineqarpat sullissinissinnut oqilisaataassammat aammalu ikiorti toqqakkat misigissutsikkut sullissassinnut attuumassuteqannginnissaa pingaartillugu.

Anniartinneqartarsimasup pisimasut politiinut nalunaarutiginiarlugit ersersippagu peqqissaanermut sulisut arlaat politiinut saaffiginnissinnaavoq. Tamatuma kingorna politiit aalajangissavaat unnerluusissut suliariniarnerlugu imaluunniit annersarneqarsimasoq nammineerluni politeeqarfimmut saaffiginnittariaqarnersoq.

Imaanngimmat annersarneqarsimasup suliassaq politiinut nammineerluni suliassanngortittariaqaraa.

Politiit paasissutissat pissarsiarerusullugit sukumiisumik pisimasut pillugit apersueriaaseqartarput. Annersarneqarsimasumut iluaqutaasinnaavoq peqqissaaveqarfimmi sulisut tamanna pillugu paasititsereersimassappata.