Meeqqanik mikisunik oqaloqateqarneq

Meeqqanik misisunik oqaloqateqarneq
Illit meeraqaruit arlaatigut oqimaatsorsiortarnikuusimasumik tamakku pillugit oqaluuserinninnissamut inissaqartitsinissamullu nukissaqartariaqarputit. Misigissutsitigut pigisat inerteqqutaanngillat. Oqariartuutigisakkut nalunaarutissatit misigissuseqarlutit anninniarsinnaavatit tamannami inerteqqutaanngilaq.

Meeraq sumiiffianiitillugu naapiguk. Meeqqap aliasuuteqarnera takutissinnaagukku taassumunnga sapernannginnerussaaq illit ammarfiginiassallutit. Taamaattumik ”peqataanernik” takutitsiniartussaavutit. Ilaatigut aporfeqaleraangassi ingerlariaqqinnissaq siunertaralugu aqqutissiuisussaavutit, tassami ”oqaatigissallugu” meeqqamut ajornakusoorsinnaammat.

Illit ilaqutariit pillugit ilisimannikkusussutsit imatut anginerusariaqanngilaq meeqqap ammarfiginissaminut pisariaqartitsineranit ipisitsisoorlutit.  Illit meeqqamut ikiuutaasinnaaavutit tunuliaqutaasut tamaasa paaseqqissaarsimanngikkaluarlugit. Imaassinnaavoq massakkorpiaq meeraq ikiorsinnaanngikkit kisianni ilagisinnaavat kisimiittutut misigisimannginnissaa anguniarlugu.

Meeqqamummi pitsaasuinnaaneq ajorpoq angerlarsimaffimmi ajornartorsiutit oqaluuserissallugit. Meeqqamut takutissinnaavat oqaloqatigerusullugu kimigiisernallu. Pinngitsaaliniarsarigukku ajassavaatsit – tatigilinngitsoorlutit.

Atuakkat misigissutsit, aaqqiagiinnginnerit imaluunniit ilaqutariit pillugit allaaserineqarsimasut tulluartuusinnaapput pitsaasumik inuunermut assersuuteqarfiginiassallugit. Aamma meeraq oqaluttualianik oqaluttuussinnaavat immaqa meeqqap aallaavianut tunngassuteqartunik.

Perorsaasutut/meeqqamik paarsisutut periarfissaqarputit kommuni saaffiginnissuteqarfigissallugu, tassanngaanniillu perorsaanermut, tarnip pissusaanut imaluunniit inatsisitigut ikiorserneqarnissamut, ingammik ilaqutariit iluanni meeqqanik anniartitsisoqartarsimasoq pasitsaakkukku.