Kommunip inissisimanera

Kommuni siunnersuisinnaavoq katsorsaanissamut illersorneqarnissamullu suliniuteqarsinnaalluni.

Kommunimi isumaginnittoqarfik inunnik annersarneqarsimanertik pissutigalugu pisariaqartitsisunik isertortumik siunnersuisinnaavoq, aamma annersaasimasoq eqqarsaatigalugu. Aamma innuttaasup sullissisuata inuit ataasiakkaat siunnersorsinnaavai.

Ilaqutariinnik siunnersuisarneq annersarneqarsimasup siunnersorneqarneranik oqartussaassullu susassaqartut assigiinngitsut akornanni ataqatigiissaarinninnermik ilaqarsinnaalluni.

Ilaqutariinni annersaassarfiusumi kommunip meeqqanut pisussaaffii soorlu meeqqat atoqatigiinnikkut kanngutsaattuliorfigineqarsimasunut sumiginnagaasimasunullu assingusuupput.

Annersaasoqarsimatillugu meeqqap illersorneqarnissaa pinngitsoorani maluginiarneqartussaavoq. Assersuutigalugu angajoqqaaq annersaasartutut pasitsaanneqarsimaguni aalajangiiniarnerit pillugit ilisimatinneqassanngilaq, tamatumani suli ilimanaateqarsimappat meeraq ajortumik suli pineqarsinnaanissaa aarlerinaateqartoq.

Kommunimi sullissisutut ulluinnarni suleqatigisatit taamatullu oqartussat allat suleqatigissavatit, tassuunaatigut anguniarlugu ilaqutariit naapertuuttumik ikiorserneqarnissaat.

Allaffissornikkut suliarinnittarneq pillugu inatsit toqqammavigalugu maluginiassavat oqartussaaffinnik allanik suleqateqarnerni nipangiussimasussaatitaanermut inatsit qanoq oqaasertaqarnersoq.

Aammattaaq kommunip ikiorneqartut aqqi najugaqarfiilu pillugit ikiorsiisinnaatitaapput.