Peqqinnissaqarfiup pisussaaffii

Inuit annersarneqarsimasut nalinginnaasumik nakorsiartariaqartarput. Tamanna pinartuusimasinnaavoq imaluunniit annersarneqarsimanerup kingunerisaanik malunniussimasinnaalluni.

Nakorsiartarfik
Nakorsiartarfimmi nakorsamik peqqissaasunilluunniit persuttarneqarsimasut oqaloqatigineqarsinnaapput suliarineqarlutillu misissuiffigineqartarput timikkut annersarneqarsimasimanerit, tamatumanilu annersarneqarsimanerup politiinut ingerlateqqinneqarnissaa innersuussutigineqartarluni. Peqqissaaveqarfimmi sulisut politiitulli taamaasiornissaminnut periarfissaqarput. Imatut paasillugu pisariaqartitsisoqarpat isumaginninnermut oqartussat saaffiginnissuteqarfigisinnaavaat, imaluunniit qimarnguimmut assigisaannullu attaveqarsinnaanissaanut ikiorsersinnaallugit. Taamaattorli nalinginnaasumik politiit tassaapput qimarnguinnut ingerlassisuusartut.

Inuk timimigut anniartinneqarsimaguni aammalu nakorsiartarfimmit misissorneqarnissaminik pisariaqartitsisimaguni ilaatigut ajoqusiisimasoq ilaaniartarpoq imminik unnerluutigineqarnissani pinaveersaartinniaannarlugu. Arlaatigut annersaasoqarsimasinnaanera pasitsaanneqarpat nakorsap periarfissaqarfigivaa annersaasimasoq ilaquttalluunniit allat ingerlaqqullugit.

Nakorsaq peqqinnissaqarfimmiluunniit passussisoq
Nakorsaq imaluunniit nakorsiartarfimmi sulisoq anniartinneqarsimasumik oqaloqatiginninnermini ilinniakkani toqqammavigalugit nalilissavaa ilumut pineqartoq ajornartorsiuteqarnersoq aammalu pinartumik ikiorserneqartariaqarnersoq.

Pingaaruteqarpoq immikkut ilisimasallit uppernarsarniarsarissagaat annersarneqarsimanerup kingunerisai kingunerisinnaasaalu, tamakkumi eqqartuussivilersuussisoqarnerani uppernarsaatitut atorneqartussaassammata. Annersaasoqarsimanerata kinguneranik politiinut suliassanngortitsisoqarpat, taakkua uppernarsaatissanik pissarsiniartoqarnissaa siunertaralugu nakorsiartoqarnissaa kissaatigisarpat.

Nakorsap aamma periarfissaqarfigivaa tarnip nakorsaanut, psykiaterimut imaluunniit ikiuisinnaasunut allanut pisariaqartitsineq naapertorlugu innersuussissallutik.