Piaartumik iliuuseqartarnissaq

Pinaveersaartitsineq ilaqutariit akornanni annersaasoqartarneranut aqqutissaavoq pingaaruteqartoq.

Arnat naartusut ikiorsipallanneqartarnissaat
Nuna tamakkerlugu suliniummut ”Ilaqutariinnik naartusoortunik siusissukkut ikiuuttarnissaq” tassaavoq arlaatigut naalungiarsuit sumiginnarneqannginnissaat siunertaralugu iliuuseqartarnissat, tamatumuuna ilaqutariit immikkut pisariaqartitsisut ikiorserneqartarnissaat siunertaralugu. Tamatumuuna meeqqanik sumiginnaasarnerup akiorniarneqarnera qitiuvoq.

Suliniuteqarnermi anguniarneqartut tassaapput ilaqutariit naartusoortitsisut. Tamatumanilu ernumanarsimappat ilaqutariinni oqimaatsorsiutigineqariaannaasoq meeqqap peroriartornermini iluamik paaqqutarineqarnissaata angujuminaatsinneqarsinnaanera.

Suliniuteqarnermi qitiuvoq sullissisartut assigiinngitsut suleqatigiissinniarnissaat. Tamatumani arnat naartusut immikkullu pisariaqartitsisinnaasut qaqilerneqartarnissaat, tamatumali kingunerisaanik siunissamut pilersaarusianik sanasoqartarnissaa. Suleqatigiissinniakkat tassaapput: juumuut, peqqissaasut, isumaginninnermi siunnersortit aammalu pinaveersaartitsinermi siunnersortit. Iliuuseqaatit naartusup ilaqutaasalu qanimut suleqatigilluinnarnerisigut ingerlanniarneqartassaaq, tassanilu aallaaviussalluni naartusup nammineerluni kissaatai pisariaqartitaalu. Suleqatigiinneq makkuninnga alloriarfeqassaaq:

Paasisaqarnerorusukkuit qupperuk: www.paarisa.gl

Meerartaarnissamut piareerpunga
Angajoqqaanngortussat neqeroorfigineqartassapput Meerartaarnissamut Piareerpunga pillugu suliniuteqarnermut. Pikkorissaanerit inersimasunut perorsaanermut tunngassuteqartuupput. Tamatumani ilaqutariit periarfissinneqassallutik pikkorissarnissamut, taamaasiornikkullu anguniarneqassasoq angajoqqaanngorunik nakuunnerullutik angajoqqaatullu piginnaasaqarnerullutik peroriartortitsisinnaanissaat.

Pikkorissarnerni peqataaneq siunertaqarpoq angajoqqaat sakkussanik assigiinngitsunik tunineqarnissaat, soorlu aalajangigassanik sukumiisunik aaqqiissuteqarsinnaalernissaat. Tamatumani pinngitsoortinniarneqassaaq angajoqqaat sumiginnaasinnaanissaat imaluunniit naalungiarsuup timaatigut inuttullu anniartinneqannginnissaa.