Politiit pisussaaffii

Politiit amerlanertigut ilaqutariit iluanni annersaasoqarsimatillugu pinartoqartillugulu akulerutsinneqartarput.

Politiit salliutillugu pisussaaffigivaat inuit annersarneqarsimasut sernissussallugit. Assersuutigalugu anniartitsisoqaqqinnginnissaa siunertaralugu politiit inigisap sissuerniarnissaa aaqqiivigisinnaavaat, soorlu matuersaatit taarsernerisigut matu silarleq qajannaarlugu.

Politiit arlaatigut suliassanngortitsisoqarsimappat nammineerlutik paasiniaavigissavaat ilumut aappariit akornanni annersaasoqarsimanersoq taamaattumillu inatsisinik unioqqutitsisoqarsimanersoq.

Pisortani allani atorfilittulli politiit pisussaaffeqarput ilisimalikkaminnik pasitsaassaminnilluunniit susassaqartunut ingerlatitseqqissallutik, tamatumani pineqarpoq ilumut meeraq anniartinneqarsimanersoq allatigulluunniit ikiorserneqartariaqarnersoq.

Nunatsinni Politiit susassaqarfii:

Kalaallit Nunaanni pinerluttaalisitsinermut inatsit, kap. 3, § 61:

Politiit pisussaaffigivaat isumagissallugu isumannaatsumik, eqqissisimanartumik torersumillu inuusoqarsinnaanersoq, tamatumali saniatigut ilumut inatsisit maleruagassallu allat malinneqarnersut, tamatumuuna pinngitsoortinniarlugit inatsisinik unioqqutitsinerit aammali taamaasiortoqarsimappat suliassat malersuiffigissallugit.