Annersarneqarsimasunut taarsiissutit

Annersarneqarsimasut pillugit Aalajangiisarfimmit taarsiisoqarsinnaasarpoq innuttaasoq ulorianartorsiortinneqarluni annersarneqarsimappat. Imatut paasillugu pineqartoq timikkut tarnikkullu ikilerneqarsimasoq taamatut pineqarnini pissutigalugu tassunga ilanngullugu annersarneqarsimasoq.

Taarsiissuteqarfigineqassagaanni annersarneqarsimasup immersugassaq immersussavaa, taavalu illoqarfimmi annersartiffiusimasumi politiinut tunniutissallugu. Immersuiffissaq politiinit pissarsiariniarneqarsinnaavoq.

Taarsiiffigineqarnissaq anguniaraani makku piumasaqaataapput:

  • Ajoquserneq pinerluttaalisitsinermik inatsimmik unioqqutitsinermi pissarsiarineqarsimassasoq
  • Inuttut ajoqusertoqarsimassasoq
  • Pinerluttoqarsimanera piaarnerpaamik politiinut ingerlateqqinneqarsimassasoq. Uani erseqqissaatigineqarpoq sapinngisamik akunnerit 24-it qaangiutsinnagit saaffiginninnissaq pissasoq.
  • Unnerluutigineqartup taarsiisussaatitaanneranik eqqartuussivilersuuttoqarnerani saqqummiunneqarsimassasoq
  • Taarsiiffigitinnissamut Oqartussanut pinerluttoqarneraniit ukiut marluk qaangiutsinnagit suliakkiisoqarsimassasoq

Taarsiiffigitittoqarsinnaavoq naak unnerluutigineqartoq eqqartuuneqarsinnaasimanngikkaluarpalluunniit. Tamatumani pineqarpoq pinerluuteqarsimasoq 15-it inorlugit ukioqarsimappat imaluunnit tarnikkut nappaateqaraluarluni pinerluuteqarsimappat.

Saaffigisassaq Pinerluffigitissimasunut taarsiiffigitittarfik.

Allattoqarfia: ksn@domstol.gl

Oqarasuaatikkut uunga saaffiginnigit: 36 39 00