Eqqartuussivilersuussinerni taarsiiffigitinniarnernilu ikiu.

Inuttut ulorianartorsiortitsisoqartillugu
Ulorianartumik ataavartumillu angerlarsimaffimmi annersaasoqartarnera pisarsimappat tamanna politiinit suliassanngortinneqarsinnaavoq.

Unnerluussineq eqqartuussinerlu
Politiit suliassanngortitsissapput misigisimagunik uppernarsaatissat naammattut inuup eqqartuussivimmut sassartinnissaanut. Unnerluussisoqarpat unnerluussissut eqqartuussivimmut ingerlateqqinneqassaaq. Ilaatigut tamakku eqqartuussivilersuussutigineqarneq ajorput ingammik suliassat mikinerusuusimappata, assersuutigalugulu unnerluutigineqartoq akiligassiissunneqaannarpat.

Paasiniaanerni eqqartuussivilersuussinernilu taperserneqarneq
Inuk arlaatigut annersarneqarsimasoq, atoqatigiinnikkut pinngitsaalineqarsimasoq imaluunniit inuttut ulorianartorsiortinneqarsimasoq eqqartuussivimmut politiinulluunniit saaffiginnissinnaavoq illersortissarsinissani siunertaralugu.

Illersuussisut ilaatigut pisinnaatitaaffigivaat suliap aallartinneraniit paasissutissat tamakkerlugit pissarsiarinissaat. Taamatuttaaq illersuisup illersukkani eqqartuussinerup paasiniaanerullu ingerlanerani tamatigut peqataasinnaatitaalluni soorlu politiinit killisiuisoqarnerani. Tamatuma saniatigut illersuisoq pinerluffigineqarsimasunut siunnersuisinnaatitaavoq soorlu tarnip nakorsaanik oqaloqatiginninnissamut tamakkulu assigisaannik.