Eqqissiviilliortoqaqqunagu oqaloqatiginninnissaagut

Najukkani eqqissiviilliortitsisoqaqqunagu oqaloqatiginninnerit
Nunatsinni politiit 2013-mut tunngatillugu suliniut imatut taaguusersimasartik aallaaviginialersimavaat: ”Najukkani eqqissiviilliortoqaqqunagu oqaloqatiginninnerit”.

Aaqqissuussinerup toqqammavii:

  • Politiit angerlarsimaffinni eqqissiviilliornerit taamatullu ilaqutariit iluanni annersaanerit, nalilerpaat ikioqqunertut
  • Politiit ilaqutariinni eqqissiviilliortoqarsimappat alakkaaqqinnissartik siunniuttarpaat
  • Politiit anguniarpaat inoqatiminnik qulangersimanninniartuunnginnertik, inuimmi naligalugit inooqataagamik
  • Ilaqutariinni eqqissiviilliortoqarsimappat pissutaasut tunngavigalugit politiit ikiuiniarlutik siunnersuiniarlutillu neqerooruteqassapput
  • Politiit suleqataaffigiumavaat ilaqutariit toqqissillutik ingerlariaqqissinnaasarnissaat

”Najukkani eqqissiviilliortoqaqqunagu oqaloqatiginninnerit” angusarissaarfiusimavoq. Amerlanertigut ilaqutariit paasinnilluartarput oqaatigisarluguli ilumut ingerlariaqqinnissartik siunertaralugu siunnersorneqarusullutik.

Sullissisutut ingammik kommunip isumaginninnikkut allaffeqarfiani aaqqissuussineq iluaqutigalugu ilaqutariit ajornartorsiutaannik paasisaqarluarnissaq, tamatumali nassatarisaannik annersaasarnernik pinaveersaartitsiniarnissaq periarfissagissaarfiunerulersimavoq.

Aaqqissuussamik politiinik suleqateqarnikkut anguniakkat makkuusinnaapput:

  • Ilaqutariit ajornartorsiuteqartut attaveqarfiginiarnissaat ajornannginnerulerpoq
  • Ilaqutariit ajornartorsiulersimasut ikiorserneqapallassinnaalissapput
  • Kinguaariit ajortumik ingerlaaseqannginnissaat anguniarlugu suliniarnissaq ajornannginnerulissaaq
  • Oqartussanik assigiinngitsunik suleqateqarnissaq aaqqissuukkuminarnerulissaaq
  • Nukissanik atorluaanerunissaq ajornannginnerulissaaq

Politiit ilanngullugu ilinniartitaanikkut ”Najukkani eqqissiviilliortoqaqqunagu oqaloqatiginninnerit” atuarfinni pinaveersaartitsinermut atatillugu saqqummiussillattaapput.