Sullissisut akimorlugit suleqatigiinneq

Matumani atuarsinnaavatit qanoq ilillutit pitsaasumik sullissisunik allanik suleqateqarniarsinnaanerlutit aammalu qanoq ilillutit unammilligassat suliariniarsinnaassaneritit.

Ilaqutariinni annersaasoqartarsimanera tunngavigalugu suliassiissutigineqartartut sullissisunit arlalinnit aqqusaarneqartarput. Taamaattumik pingaaruteqarpoq inuussutissarsiutigalugu sullississartut akornanni qanimut suleqatigiittoqarnissaa tamatumuuna anguniarlugu ilaqutariit tamarmiusut inissisimanerat aallaavigalugu sullissisinnaanissaaq.

Ilaqutariinni anniartitsisoqartarsimatillugu suliassat imaannaaneq ajorput. Taamaattumik arlaatigut aalaangersimasumik sullissisartut kisimiillutik ilaqutariinni suliassat pitsaassumik naamassisinnaaneq ajorpaat.

Assersuutigalugu anaanaq annersarneqartarsimasoq meeqqani ilagalugit kommunimut saaffiginnissuteqarpat immikkut ilisimasallit assigiinngitsorpaalussuit ilaqutariinni aaqqiissutissat anguniarlugit suleqataatinneqartarput. 

  • Isumaginninnikkut siunnersorti
  • Isumaginninnikkut ikiorti
  • Tarnip nakorsaa
  • Meeqqerivik
  • Eqqartuussutitigut ikiorsiisartut
  • Ilaqutariinnut siunnersortit
  • Naalagaaffiup sinniisoqarfia
  • Politiit
  • Peqqinnissaqarfik

Immaqa kingorna aamma siunnersuisarfiit suliffissarsiuussisarfiillu, inissaqarnermut ingerlatsiveqarfiit assigisaallu.

Takusiuk aamma: Isumaginninnikkut sullissinermi sullissisut assigiinngitsut suleqatigiinnissaat pillugit Inatsisartut Peqqussutaat