Unammilligassat ajugaaffiginiarnissaat

Unammilligassat ajugaaffiginiarnissaat
Suleqatigiinnerit tamarmik unamminartortaqartarput. Piumassuseqarlutit suleqatiginnigit, apeqqutaatinnagu suleqatigisartakkavit akornanni imaluunnit soqutigisaqarfiit allat assigiinngitsut akornanni pisussaanersoq.

Isumaqaqqajaasoqartarpoq, sullissisartut assigiinngitsut akornanni suleqatigiittarnerit periuseqarfigineqartartut sullissisartut ilinniagarisimasaat aallaavigalugit suleqatigiinnertut. Kisianni ilisimatusarnikkut piffinnilu suleqatigiittarnerit takutissimavaat, isumaginninnerup iluani suleqatigiittussaanermut aporfiusinnaasut unammillernartorujussuusinnaasartut.

Ataani allattukkat toqqammavigalugit nalilersuigit suleqatigiittariaqarneq qanoq aallartisarniarnerlugu, aammalu aaqqiisoqartariaqarpat qanoq iliorsinnaanissamut aallerfigiuk. Ilimanaateqarpoq pissutsit assigiinngitsut peqqutigalugit suleqatigiinniarneq ajornakusuulersimasoq.

Suleqatiginninniarnermi unammilligassat makkuusinnaapput: 

Allat suliaannik suliarisartagaannillu ilisimasakippallaarneq. Assigiinngitsunik suleqateqarniaraani suleqataasussat killigititaat akimorlugit suleqatigiinnissaq pingaaruteqarsinnaasarpoq, soorlu makku ilisimasaqarfigigaani:

  • suut piginnaaneqarfigineraat
  • piginnaasat akimorlugit suleqatiginninnissamut piginnaasaqarneq, 
  • suleqatiginiakkat ilisimasaannik paasisimasaqarusunneq.

Maleruagassanik, periutsinik sinaakkutissanillu suliassanut ilisimasakippallaarneq
Amerlasuutigut malunniuttarpoq makku pillugit maleruagassanik ilisimasakittoqarpallaartartoq; nipangiussimasussaatitaaneq, ingerlatitseqqittussaatitaaneq aammalu ilisimasanik paasititsisussaatitaaneq.

Uani maleruagassat atuarsinnaavatit

Ernumassutaasinnaasut assigiinngittarnerat
Sullissisut assigiinngitsut suleqatigineranni amerlasuutigut malunnarsisarpoq, peqataasut ernumassutigisaat assigiinngisitaartuusartut. Tamanna ilisimasaqarfigissallugu pingaaruteqarpoq, tassami ernumassutit aallaavigalugit aaqqiissutissanik ujartuisoqartarmat.    

Pingaaruteqarpoq nammineq ernumassutigisat suunerinik ilisimanninnissaq. Taamaattumik iluaqutaalluarsinnaavoq peqataasut suut ernumassutigineraat tulleriiaanni 1-miit 10-mut allattortikkaani, kingornatigullu assersuullugit, anguniagassat paaseqatigiissutigiumallugit.

Isummat assigiinngisitaartut
Misissuinerit arlallit takutissimavaat sullissisut assigiinngitsut assigiinngitsumik isumaqaraangata – aamma ilinniakkatigut assigiimmik aallaavillit akornanni – tamanna suleqatigiinnissamut sunniuteqartorujussuusartoq. 

Nassaarisigit assigiinngisitaartunik isumallit ilinniagallillu akornanni suleqatigiinnissamut periusaasinnaasut (danskisut)

Aamma tamakku pillugit suleqatinik qulaajaallaqqissunik oqaloqateqarnissamut periarfissanik matumani atuaasinnaavutit. Pinaveersaarniarlugu aalajangiinialerlusi aatsaat paasilerissi annersaasoqarsimatillugu aaqqiissutiginiakkasi assigiinngitsuusut.

Pissaaneqarneq pissutigalugu naligiinnginneq
Naligiinnani suleqatigiinniaraluarneq misigineqarajuttarpoq peqataasut ataasiakkaat arlallilluunniit peqataasussat ilaannut naalakkiissinnaasuseqartarmata – assersuutigalugu ulluinnarni taakkununnga oqartussaanermikkut.

Imaassinnaavoq aamma peqataasut ilaat immaqa ilinniarsimassutsikkut appasissumiit aallaaveqaraluarluni ukiorpassuit tamakkuninnga suliaqartarnermigut misilittagartuusoq, taamaattumillu suleqatigiit akornanni qaffasissumik inissisimasuusinnaasoq.

Tamatumani pingaaruteqarpoq ersarissunik sinaakkutalersuisorneqarnissaa kikkut suut suliassaralugillu akisussaaffigineraat.

Piffissakilliorneq – ilinni suleqatiginiakkannilu
Pingaaruteqarpoq suleqatigiinnissamut piffissaliilluartoqarsimanissaa.

Pingaaruteqarpoq piffissaq ataatsimiiffissanut atorneqartoq asuli piffissaajarfittut naliliiffigineqannginnissaa. Taamaattumik ataatsimiinnermik aqutsilluarnissaq pingaaruteqartuuvoq.