Inatsisitigut qanoq allaqqasoqarpa?

Inatsisitigut qanoq allaqqasoqarpa?
Matumani inatsisit maleruagassallu pillugit qimerluuinnissinnaavutit. Tamakkumi qanigisanik annersaasoqarsimatillugu ilisimassallugit naapertuuttuummata.

Nunatsinni inatsisit atuuttut ugguuna ujaarlerfigisinnaavatit: www.inatsisit.gl    

Ilaqutariit iluanni annersaasoqarsimanerit kingunerisaanik avinnissat meeqqanut oqartussaaffiit assigisaallu tullinnguuterajuttarput.

Katissimasaq/Inooqatigisaq qimatsiniassalluni pisinnaatitaaffeqarpoq aapparisami sakkortuumik piaaralunilu annersaasimappat/inniminniilliorsimappat imminut meeqqaminulluunniit. Kisiannili taamatut kissaateqarneq ukiup ataatsip qaangiutinnginnerani ilisimasaqarfigilersimaneraniit pisussaavoq, taavalu aamma ukiut pingasut qaangiutinnginnerini pisimasoq iliuuserineqarsimappat. *

Averusernermut avinnermullu atatillugu imatut aalajangersaasoqarsinnaavoq: 

  • Meeqqanut oqartussaaffik
  • Najorteqartarnissaq pillugu isumaqatigiissutit
  • Meeqqanut akiliutit
  • Immaqa aapparisamut akilersuutit
  • Ilaqutariit inissiatut attartugaannik tigumminniinarnissaq
  • Pequtaatit avitseqataassutiginissaat

Ilaqutariinnermut inatsisit uani atuarneqarsinnaapput: Naalagaaffiup sinniiseqarfiata quppersagaa

Inatsisitigut ikiorserneqarnissaq pisariaqartinneqarsimappat, periarfissaavoq IKIU-mut akeqanngitsumik ikiortissarsiornissaq.

* Peqqussut nr. 307 af 1993-05-14 Kalaallit Nunaanni katittarneq avittarnerlu pillugit inatsit